Documents biographiques

« Par devant les notaires garde notes hereditaires du Roy notre sire en la ville et senechaussée de Fontenay le Comte, soubsignez, a esté présent en sa personne haut et puissant messire Theodore Agrippa d’Aubigné, chevalier gentilhomme ordinaire de la chambre du roy, gouverneur pour sa majesté du chasteau et isle de Maillezays, et autres isles adjacentes, demourant en son chasteau et maison noble du Donjon, paroisse de Maillé en la dicte isle de Maillezays, lequel de son bon gré et volonté, a fait et constitué son procureur [ blanc] Auquel il a donné pouvoir, puissance et mandement spécial de remettre et résigner, pour et au nom du dit constituant, es mains de sa majesté son dict gouvernement et chasteau du dit Maillezais et aultres isles adjacentes, pour, et au nom et en faveur de Monseigneur le duc de Rohan, pair de France, gouverneur et lieutenant général pour sa Majesté en hault et bas Poictou, Chastelleraudois et Loudunois, suppleer sa dicte personne et généralement d’y faire, pour le dict constituant, tout ce qu’il feroit ou pourroit faire si present en sa personne y estoit, jaçoit que mandement plus spécial y fust requis, promettant iceluy constituant par sa foy et honneur, obligation et hypotheque et tout et chascun ses biens presents et à venir, avoir pour agréable et tenir ferme et stable tout ce que par son dict procureur sera sur ce faict, geré et negotié, dont à sa requeste il a esté jugé et condamné du jugement et condemnation de ladicte cour par nous, Pierre Charrien et Jehan Robert, notaires susdicts jurez d’icelle, au pouvoir et jurisdiction de laquelle icelluy Sr Constituant sera soubmiz quant à ce. Faict et passé au dict. chasteau du Donion, paroisse susdicte, le lundy vingt neufviesme et penultiesme jour du mois d’apvril l’an mil six cent dix neuf après midy.

D’Aubigné

Charrien

Robert »